Tërmeti trondit sërish ishullin e Kretës

Greqi | 5 vite më parë

Një tërmet i ri me magnitudë 5,4 ballë të shkallës Rihter u regjistrua sot në mëngjes në ishullin e Kretës, sipas Institutit Gjeodinamik të Observatorit Kombëtar të Athinës.

Një person mbeti viktimë dhe nëntë të tjerë u plagosën pas tërmetit 5,8 ballë Rihter, që tronditi ishullin e Kretës dje në mëngjes.

Disa shtëpi në zonën e Arkalohorit pësuan dëme të mëdha dhe janë të pasigurta.

Forcat e Armatosura, vullnetarët dhe anëtarët e Kryqit të Kuq Grek ngritën një kamp të përkohshëm tendash.

Kryeministri Kyriakos Mitsotakis pritet të vizitojë zonën menjëherë pas kthimit të tij nga Parisi./ ATSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.