Trafik emigrantësh kundrejt pagesës, në pranga 26-vjeçari turk në Tiranë

Aktualitet | 7 muaj më parë

Një 26-vjeçar me shtetësi turke është vënë në prangat e Policisë së Tiranës, i akuzuar për transport të paligjshëm të emigrantëve me qëllim kalimin drejt vendeve të Bashkimit Evropian.

Sipas njoftimit zyrtar, në kuadër të kësaj faze operacionale, u arrestua në flagrancë shtetasi me iniciale G. K., i cili u kap në aksin rrugor “Kashar–Thumanë”, duke transportuar me automjet tre emigrantë të paligjshëm.

Hetimet paraprake tregojnë se 26-vjeçari kishte marrë përsipër t’i transportonte këta shtetas kundrejt pagesës prej 3000 eurosh për person, me synim kalimin e tyre drejt vendeve të BE-së në mënyrë të kundërligjshme.

Policia ka vijuar me veprimet procedurale, ndërsa materialet i janë referuar Prokurorisë për hetime të mëtejshme mbi këtë rast.

/rtsh.al/

arrestimi

emigrante

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.