Vrau vëllain pas sherrit në arë, arrestohet 76-vjeçari në Kavajë

Aktualitet | 4 muaj më parë

Policia e Durrësit ka njoftuar zyrtarisht dhe arrestimin e 76-vjeçarit Muhamet Rreshka, pasi dyshohet se mbrëmjen e dejshme, në fshatin Agonas, Kavajë, ka vrarë me mjet prerës (thikë), për motive të dobëta, vëllanë e tij, shtetasin Eqerem Rreshka, 74 vjeç.

Autori i dyshuar ishte shoqëruar mbrëmjen e kaluar pas krimit, teksa sot i janë vendosur edhe prangat. Dyshohet se shkak për vrasjen është bërë konflikti i vazhdueshëm për pronën mes dy vëllezërve.

Policia ka sekuestruar në cilësinë e provës materiale edhe mjetin prerës (thikë) që dyshohet se u përdor nga autori për krimin.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Kavajë

vrasja

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.