Lens është një nga ekipet e para këtë sezon që ndërron trajnerë pas vetëm katër ndeshjeve në ligë(Francë). Në Itali, kjo praktikë u ndje  me stolat e lëkundura dhe më pas të shembura menjëherë të Fabio Grosso te Fiorentina dhe Domenico Tedesco te Bologna. Megjithatë, në Francë, situata është edhe më absurde.

Lens ishte padyshim zbulimi i sezonit të kaluar. Verdhekuqtë patën një vit thjesht të mrekullueshëm nën drejtimin e Pierre Sage, i cili, pasi e udhëhoqi ekipin e tij drejt vendit të dytë në Ligue 1, e mbylli sezonin duke fituar Kupën e Francës.

Megjithatë, francezi vendosi të largohej nga Lens në verë për t’u bashkuar me Crystal Palace. Ai u zëvendësua nga Dino Toppmöller, trajner i avangardës së futbollit gjerman.

Toppmöller u shkarkua nga Eintracht Frankfurt, pavarësisht se e kishte çuar klubin në Ligën e Kampionëve në sezonin 2024-25. Stili i tij i futbollit dukej se përshtatej në mënyrë të përkryer me mbrojtjen agresive me tre lojtarë të propozuar nga Sage vitin e kaluar. Prandaj, zyrtarët e Lens dukeshin se kishin një bazë të fortë. Megjithatë, pas fitores së Superkupës franceze kundër PSG-së, diçka dukej se kishte shkuar keq me trajnerin gjerman (ka zëra për një rast që përfshin largimin e njërit prej bashkëpunëtorëve të Toppmöller) dhe kështu ndodhi shkarkimi i tij i parakohshëm.

Në vend të tij, menaxhmenti e ngriti menjëherë në detyrë Yannick Cahuzac, një ish-legjendë e Bastias dhe ish-lojtar i verdhekuqve. Ai mbërriti në verë si asistent i Toppmöller, pasi mbajti të njëjtin pozicion te Lorient nga viti 2024 deri në vitin 2026. Megjithatë, ish-lojtari francez është ende duke studiuar për të marrë BEPF (licencën profesionale të trajnerit të futbollit) dhe sipas rregullave, klubi do të duhet të paguajë 25,000 euro për çdo ndeshje në të cilën Cahuzac drejton ekipin e tij.