Njihet me emrin Baguette, buka e gjatë dhe me kore e cila është një element kryesor i shijshëm i jetës franceze i është dhënë statusi i veçantë i mbrojtur, duke e vendosur atë në një panteon kulinarie krahas shijeve të tjera ushqimore rajonale nga e gjithë bota.

“Njohuria artizanale dhe kultura e baguettes” njihet tashmë zyrtarisht në listën e UNESCO-s të Trashëgimisë Kulturore Jomateriale, njoftoi organizata të mërkurën, duke e përshkruar ekspertizën pas bukës franceze si një pjesë integrale e kulturës njerëzore.

UNESCO organi kulturor i OKB-së e përkufizon trashëgiminë kulturore jomateriale si “tradita ose shprehje të gjalla të trashëguara nga paraardhësit tanë dhe të kaluara te pasardhësit tanë”.

Baguette i bashkohet ushqimeve dhe kulturave të tjera të kuzhinës në listën e UNESCO-s të Trashëgimisë Kulturore Jomateriale, duke përfshirë prodhimin e picës napolitane, kimchi, kulturën belge të birrës, “dietën mesdhetare” dhe kafen arabe.

Ndërsa vendet nga SHBA, duke përfshirë Statujën e Lirisë, Parkun Kombëtar Yellowstone dhe Sallën e Pavarësisë së Filadelfias njihen nga UNESCO si Vende të Trashëgimisë Botërore, asgjë nga SHBA nuk është aktualisht e listuar në listën e organizatës për Trashëgiminë Kulturore Jomateriale të Njerëzimit.

Ndërsa dyqanet në Francë zakonisht shesin lloje të shumta baguette, më të mirat njihen ato si baguettes klasike të cilat mund të bëhen vetëm me katër përbërës: miell, ujë, kripë dhe maja dhe duhet të piqen në vend.

/rtsh.al/