Meteor i rrallë që ra në Britani besohet se ka “përbërës për jetën”

Kuriozitete | 6 vite më parë

Një top zjarri që ndriçoi qiellin mbi Mbretërinë e Bashkuar dhe Evropën Veriore më 28 Shkurt të këtij viti ishte një lloj i rrallë i meteoriti. Fragmente të shkëmbit hapësinor të zbuluara në një rrugëkalim në ‘Cotswolds’, mund të japin përgjigje në pyetjet në lidhje me historinë e hershme të sistemit diellor dhe jetën në Tokë, shkruan CNN. Pothuajse 300 gramë meteorit janë mbledhur nga qyteti i vogël Gloucestershire i Winchcombe nga shkencëtarët, të cilët thanë se shkëmbi ishte formuar nga kondrite karboni. Thuhet se substanca është pak a shumë nga materiali më primitiv dhe i pacenuar në sistemin diellor dhe ka qenë e njohur që përmban materiale organike dhe aminoacide, që ndryshe e kanë quajtur “përbërës për jetën”.

Muzeu i Historisë Natyrore në Londër tha se fragmentet u morën në gjendje kaq të mirë dhe kaq shpejt pas rënies së meteorit saqë ato janë të krahasueshme me mostrat e shkëmbinjve të kthyer nga misionet hapësinore, si në cilësi ashtu edhe në sasi.

Richard Greenwood, një studiues në shkencat planetare në një deklaratë për media ka thënë se ishte në shok kur e ka për meteorin unik dhe se është ndier i emocionuar kur ua konfirmoi i pari njerëzve. Greenwood, ka thënë se në Tokë gjenden rreth 65,000 meteorë dhe 1.206 janë dëshmuar të bien, e nga këto vetëm 51 janë kondrite karboni.

Topi i zjarrit u pa nga mijëra dëshmitarë okularë në të gjithë Mbretërinë e Bashkuar dhe Evropën Veriore. Shkëmbi origjinal hapësinor po udhëtonte me gati 14 kilometra në sekondë para se të godiste atmosferën e Tokës dhe në fund të fundit të ulej në një rrugë me pemë në Winchcombe.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.