Shumë njerëz vuajnë nga mungesa e vitaminës B12, një simptomë që është shumë e vështirë për t’u diagnostikuar. Kjo sepse mungesa e vitaminës B12 shfaqet me një gamë të gjerë simptomash, nga marramendja deri te çrregullimet obsesive-kompulsive, të cilat mund të shkaktohen edhe nga një problem apo mungesë tjetër. Mungesa e vitaminës B12 mund të shkaktohet nga moskonsumimi i ushqimeve të pasura me këtë vitaminë, siç është rasti i vegjetarianëve dhe veganëve nga fakti që trupi nuk mund ta përthithë atë në mënyrë efektive.

Marramendje– Marramendja është simptoma tipike e presionit të ulët të gjakut, që është një efekt anësor i zakonshëm i mungesës së vitaminës B12.

Përkeqësimi i shikimit– Vitamina B12 është thelbësore për funksionimin e duhur të nervave. Mungesa e saj mund të dëmtojë nervin optik, nervin që bart informacionin dhe sinjalet nga syri në tru.

Humbje kujtese– Mungesa e vitaminës B12 mund të rezultojë në një lloj demence më të butë që të kujton sëmundjen e Alzheimerit në fazën e hershme.

Depresioni– Edhe pse nuk është e qartë se si ndikon saktësisht vitamina B12 në një sëmundje kaq komplekse si depresioni, disa studime kanë treguar se pacientët me depresion kanë ulur nivelet e vitaminës B12.

Diarre dhe fryrje– Për shkak të përthithjes së pamjaftueshme të B12, qelizat e traktit tretës nuk marrin një sasi të mjaftueshme oksigjeni. Kjo çon në probleme të tretjes si gazra, kapsllëk, diarre, humbje të oreksit dhe humbje peshe.

Dobësi muskulore– Dobësia e muskujve është një simptomë e dukshme e mungesës së vitaminës B12, sepse muskujt nuk marrin oksigjen të mjaftueshëm dhe nuk mund të kryejnë aktivitetet e përditshme.

/rtsh.al/