Kërkimi mjekësor është gati për të sjellë në treg një lloj të re insuline, që po i nënshtrohet miratimit rregullator, i cili do të përdoret një herë në javë në vend që të përdoret çdo ditë.

Për pacientët me diabet të tipit 2 (të cilët shpesh janë individë të moshuar ose të dobët nga gjendja imunitare), kjo mund të kalojë nga 365 injeksione në vetëm 52.   

Ky hulumtim u krye nga një studim i kombinuar i studiuesve i botuar në dy revista të ndryshme, përkatësisht ‘Jama’ dhe ‘New England Journal of Medicine’.

Studimi tregoi se pas gjashtë muajsh nga fillimi i trajtimit, produkti i marrë çdo javë tregoi një avantazh të lehtë efikasiteti në aftësinë e tij për të mbajtur nivele të mira të hemoglobinës.

Në revistën shkencore ‘Jama’, thuhej se ilaçi i ri paraqet një rritje shumë të lehtë të rrezikut të hipoglikemisë, megjithëse numri i rasteve është shumë i vogël (më pak se 1 episod në vit për pacient).

Ajo që mungon për momentin, para se të dalë në prodhim masiv për tregun botëror, është miratimi nga organet që rregullojnë barnat e reja. Ndër avantazhet e shumta të kësaj terapie të re është thjeshtimi i punës për mjekët që merren me diabetikët që kanë nevojë për insulinë, veçanërisht ata në kujdesin afatgjatë.

/rtsh.al/