Vendi përfshihet nga reshjet, ulen ndjeshëm temperaturat. Erë e fortë në zonat bregdetare

Moti | 3 muaj më parë

Vendi do të ndikohet sot nga mot kryesisht i vranët, me reshje të dobëta shiu dhe stuhi të izoluara që pritet të përfshijnë vendin nga mesdita. Temperaturat do të jenë dukshëm më të ulëta se mesatarja e muajit korrik, me vlerat maksimale që do të arrijnë deri në 22°C, ndërsa ato minimale gjatë natës do të zbresin në 12°C.

Paraditja do të nisë me vranësira të shumta dhe intervale të shkurtra kthjellimesh. Nga fundi i paradites deri në orët e para të pasdites priten reshje shiu me intensitet të dobët deri mesatar, të shoqëruara në zona të veçanta edhe me shtrëngata. Pasditja do të sjellë përmirësim gradual të motit, ndërsa në mbrëmje parashikohen kthjellime në të gjithë territorin.

Era do të fryjë nga verilindja, ndërsa do të shtojë intensitetin e saj në zonat bregdetare.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.