Zjarri në masivin pyjor të Drenies vijon të jetë aktiv, kërkohet ndërhyrje nga ajri

Aktualitet | 2 muaj më parë

Vatra e zjarrit në masivin pyjor të Drenies vijon të jetë aktive edhe gjatë ditës së sotme.

Pavarësisht ndërhyrjes nga ajri gjatë ditës së djeshme, zjarri u riaktivizua në mesnatë, ndërsa flakët iu afruan edhe banesave. Fatmirësisht, ndërhyrja e shpejtë e shërbimeve zjarrfikëse dhe forcave të ushtrisë shmangu rrezikun për banorët.

Aktualisht, zjarri ka marrë përhapje të gjerë dhe po mbahet nën monitorim nga forcat e ushtrisë dhe shërbimet zjarrfikëse, të cilat po punojnë në terrenin e vështirë kodrinor për neutralizimin e flakëve.

Ndërkohë, sipas informacioneve nga Prefektura e Fierit, është bërë kërkesë për ndërhyrje nga ajri për të ndihmuar në vënien nën kontroll të situatës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.