Aksident në aksin Shkozet-Shijak, e përplas makina teksa lëvizte me biçikletë, humb jetën 32-vjeçari

Aktualitet | 2 muaj më parë

Një aksident i rëndë rrugor është shënuar mëngjesin e sotëm në aksin Shkozet-Shijak, në vendin e quajtur Rrashbull, ku ka humbur jetën një 32-vjeçar.

Ngjarja ka ndodhur rreth orës 06:15, kur një automjet ende i paidentifikuar ka përplasur shtetasin me inicialet V. H., 32 vjeç, i cili lëvizte me biçikletë.

Përplasja ka qenë fatale për të riun, i cili ka ndërruar jetë në vendngjarje.

Pas aksidentit, drejtuesi i automjetit është larguar, ndërsa autoritetet kanë nisur punën për identifikimin dhe kapjen e tij.

Në vendngjarje ndodhet grupi hetimor, i cili, nën drejtimin e Prokurorisë, po vijon hetimet për të zbardhur rrethanat dhe shkakun e aksidentit.

aksident

biciklete

shkozet

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.