Moti sot kryesisht i kthjellët, temperaturat deri në 37°C

Moti | 2 muaj më parë

Vendi ynë do të vijojë të ndikohet nga kushte të qëndrueshme atmosferike edhe gjatë ditës së shtunë. Moti parashikohet kryesisht i kthjellët, me alternime të vranësirave mesatare, por kalimtare.

Reshje të dobëta shiu, kryesisht në formën e pikave, priten në mënyrë të izoluar në zonat veriore dhe lindore të vendit, përgjatë relievit malor.

Temperaturat maksimale pritet të arrijnë deri në 37°C, duke sjellë një tjetër ditë të nxehtë për vendin.

Era do të fryjë kryesisht nga kuadrati i perëndimit, me shpejtësi mesatare rreth 7 m/s.

Në det pritet valëzim i forcës 1-2 ballë, ndaj kushtet detare do të jenë përgjithësisht të qeta.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.