Trajneri i Teutës, Edlir Tetova, ka folur në emisionin “Super Gol” në RTSH pas fitores 2-0 në Shkodër përballë Vllaznisë në ndeshjen hapëse të javës së 5-të të kampionatit. Tekniku është i kënaqur me paraqitjen e skuadrës dhe deklaron se objektivi i Teutës mbetet ndeshja e radhës.

“Për objektiv po flasim, ne kemi ndeshjen e radhës. Do vazhdoj ta them që kemi ndeshjen e radhës, sepse kampionati është i gjatë, janë vetëm 5 javë, ndaj nuk ke çfarë thua. Ekipi do ketë kurba gjatë kampionatit, jemi ekip i ndërtuar i ri. Shpresoj të kemi me përqindje të vogla, por me çfarë ndodhi sot, jam shumë i kënaqur me çunat.

Mendoj se e menaxhuam rezultatin shumë mirë dhe jam shumë i kënaqur me këtë gjë”, ka thënë mes të tjerash Tetova.