Punësohej përkohësisht në subjekte të ndryshme dhe u vidhte xhiron ditore, arrestohet 39-vjeçarja
Një 39-vjeçare është vënë në pranga në Tiranë, pasi dyshohet se punësohej përkohësisht në subjekte të ndryshme me qëllim vjedhjen e xhirove ditore.
Në kuadër të hetimeve, policia ka dokumentuar 5 raste vjedhjesh në subjekte të ndryshme. 39-vjeçarja, me inicialet K. Z., banuese në Tiranë, ishte shpallur në kërkim dhe u kap nga efektivët e Forcës së Posaçme “Shqiponja” në ambientet e një lokali në kryeqytet.
Sipas policisë, gruaja dyshohet se punësohej përkohësisht në biznese të ndryshme dhe, pasi siguronte akses në ambientet e tyre, vidhte xhiron ditore dhe largohej.
Policia vijon hetimet për të zbardhur raste të tjera vjedhjesh që mund të jenë kryer prej saj.
Materialet procedurale i janë referuar Prokurorisë për veprime të mëtejshme.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Të ngjashme
Të fundit
Kategoria e Parë në RTSH/ Besëlidhja merr fitoren e parë në kampionat, nuk ka gola në Pogradec
Jimenez ndëshkon Allegrin, Napoli ndalet në Firence
