Kanë përfunduar 2 ndeshjet e javës së katërt të Kategorisë së Parë, që startuan në orën 13:30, të cilat u transmetuan drejtpërdrejt në rrjetin e Radio Televizionit Shqiptar.

Besëlidhja mposht 2-1 Besën, ndërsa sfida Pogradeci-Flamurtari mbyllet në barazim pa gola 0-0.

Klevis Hima debuton me fitore në krye të stolit të Besëlidhjes. Lezhjanët mposhtin 2-1 në shtëpi Besën, duke marrë fitoren e parë sezonale në kampionat.

Nuk ka gola dhe fitues në sfidën mes Pogradecit dhe Flamurtarit. Mbyllet në barazim 0-0, një sfidë e luftuar. Liqenorët ngjiten përkohësisht të vetëm në krye të renditjes, në kuotën e 8 pikëve, ndërsa vlonjatët vazhdojnë të mbeten pa fitore këtë sezon, me 3 pikë të grumbulluara pas 4 javësh kampionat.

4 ndeshjet e tjera të javës së 4-t të Kategorisë së Parë do të luhen në orën 16:00.