Gjirokastër/ Digjet plotësisht një Toyota Auris, nuk ka të lënduar
Një automjet tip Toyota Auris, me motor nafte, është përfshirë nga flakët pasditen e sotme pranë kthesës së Picarit, në Gjirokastër.
Ngjarja është raportuar në orën 15:06, ndërsa në vendngjarje kanë shkuar menjëherë një grup zjarrfikësish.
Zjarri është neutralizuar pas ndërhyrjes së grupit zjarrfikës ndërsa pavarësisht ndërhyrjes, automjeti është djegur plotësisht.
Fatmirësisht, nga ngjarja nuk raportohet për persona të lënduar. Ndërkohë, mbeten për t’u përcaktuar shkaqet dhe rrethanat e rënies së zjarrit.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
