Zyrtare/ De la Fuente rinovon me Spanjën deri në 2032-in
Federata Spanjolle e Futbollit konfirmoi, pas disa javësh negociata, zgjatjen e kontratës së Luis de la Fuente deri në vitin 2032.
Konfirmimi u bë pas miratimit të Bordit të Drejtorëve dhe do të njoftohet zyrtarisht në një ceremoni në Qytetin e Futbollit me praninë e presidentit, Rafael Louzán, dhe vetë trajnerit.
Në fjalimin e tij para Bordit, Rafael Louzán deklaroi: “Ne po kërkojmë një projekt stabël dhe të besueshëm. Këtë propozim e kemi bërë për një person që i besojmë shumë siç është Luis de la Fuente. Po flasim për trajnerin më të dekoruar në historinë e ekipit kombëtar dhe, pas katërmbëdhjetë vitesh me ne, Luis de la Fuente meriton një të ardhme të gjatë në RFEF”, tha presidenti. A.V.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Të ngjashme
Të fundit
