Elbasani ka një hapësirë të re argëtimi për qytetarët. Parku “Dua të Luaj”, i shtrirë në një sipërfaqe prej rreth 22 mijë metrash katrorë, ofron ambiente sportive, kënde lojërash për fëmijët, pista vrapimi e biçikletash dhe hapësira të gjelbra për familjet.

“Mirëmëngjes me parkun e ri ‘Dua të Luaj’ në Elbasan, një hapësirë prej rreth 22 mijë m², me fusha sportive, pista vrapimi e biçikletash, kënde lojërash për fëmijët dhe plot gjelbërim për familjet e çdo moshe, ju uroj të diel të paqtë”, shkruan Rama.

Parku i ri synon të krijojë një mjedis funksional dhe gjithëpërfshirës për të gjitha grupmoshat, duke ofruar mundësi për aktivitet fizik, argëtim dhe kalim kohe në ambiente të gjelbra.

Me mbështetjen e Fondit Shqiptar të Zhvillimit, projekti synon të krijojë një hapësirë funksionale dhe gjithëpërfshirëse, duke promovuar aktivitetin fizik dhe një stil jetese aktive për të gjitha grupmoshat.

/rtsh.al/