Hanter Bajden pranon akuzat për evazion fiskal, rrezikon 15 vite burg

Botë | 2 vite më parë

Hunter Bajden (Hanter Biden), dali i Presidentit të SHBA, ka pranuar nëntë akuzat për të cilat akuzohej për evazion fiskal.

Bajden ka mohuar më herët akuzat ndaj tij për shmangien e pagesës së tatimit mbi të ardhurat prej 1.4 milionë dollarësh nga 2016-2019.

Tre muaj më parë, ai u shpall fajtor në një rast të veçantë për akuza lidhur me armëmbajtjen dhe përdorimin e drogës, duke u bërë djali i parë i dënuar penalisht i një presidenti në detyrë të SHBA.

Përmbysja e minutës së fundit në çështjen tatimore u njoftua në një gjykatë në Los Anxhelos të enjten, ndërsa përzgjedhja e jurisë do të fillonte.

Më shumë se 100 anëtarë të mundshëm jurie ishin mbledhur për të filluar procesin e përzgjedhjes së panelit.

Avokati i Bajdenit, Abbe Lowell tha se klienti i tij donte të hiqte dorë nga një gjyq “për hir të interesit privat”, duke kursyer miqtë dhe familjen e tij nga dëshmimi për diçka që ndodhi “kur ai ishte i varur nga droga”.

Gjykatësi Mark Scarsi tha se në pranimin e fajit, Bajden përballet me një dënim maksimal prej 15 vitesh burg dhe gjoba që variojnë nga 500,000 deri në 1 milion dollarë.

Ai do të dënohet më 16 dhjetor, një muaj pas zgjedhjeve në Shtëpinë e Bardhë dhe një muaj para se babai i tij të largohet nga detyra.

Presidenti Bajden ka thënë më parë se nuk do të përdorte pushtetin ekzekutiv për të falur djalin e tij.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme