Konsumimi i alkoolit dhe i cigareve elektronike është rritur ndjeshëm në preferencat e fëmijëve të moshës 11 deri në 15 vjeç, shënon një raport i Organizatës Botërore për Evropën për Evropën.

Rezultatet e raportit për këtë prirje tek fëmijët e vegjël përshkruhen si “alarmante” nga ekspertët, ku OBSH sugjeron që të merren masa të shëndetit publik për të kufizuar aksesin në pije alkoolike.

“Përdorimi i gjerë i substancave të dëmshme nga fëmijët në shumë vende të rajonit evropian  dhe më gjerë  është një kërcënim serioz për shëndetin publik”, tha Drejtori Rajonal i OBSH-së për Evropën Hans Kluge ndërsa bën thirrje për rritjen e taksave, kufizime në pikat e shitjes dhe reklamat, si dhe ndalimin e agjentëve aromatizues në cigaret elektronike për të kundërshtuar këtë prirje.

Pas shumë vitesh përdorimi në rënie të substancave psikoaktive, “disa prova sugjerojnë se pandemia e Covid-19 ka çuar në një rritje të re të përdorimit”, zbulon raporti, i cili mblodhi të dhëna nga 280,000 të rinj në Evropë, Azinë Qendrore dhe Kanada.

Bllokimet kanë ndryshuar zakonet e 11-15 – vjeçarëve, të cilët kanë pasur më shumë ekspozim ndaj internetit dhe reklamave.

“Përshtatja e sjelljeve të rrezikshme gjatë adoleshencës mund të ndikojë në sjelljen në moshë madhore, pasi konsumimi i substancave psikoaktive në moshë të re shoqërohet me një rrezik të shtuar të varësisë. Efektet janë shumë të kushtueshme si për ta ashtu edhe për shoqërinë,” shpjegoi Kluge.

/rtsh.al/