Dy adoleshentë të moshës 16 dhe 18 vjeç kanë zbuluar katër planetë të rinj që rrotullohen rreth yllit më të ndritshëm të quajtur TOI-1233 dhe janë bashkë-autorë të një punimi të botuar në “The Astronomical Journal”, raporton Forbes.

Kjo është një arritje e rrallë e cilësuar si “goditja e çmimit të parë” nga mësuesi i tyre. Jasmine Wright , 18 vjeç dhe Kartik Pingle, 16 vjeç paguhen për katër orë punë çdo javë nga Qendra për Astrofizikën, Harvard & Smithsonian.

Wright dhe Pingle zbuluan planetët rreth një ylli të quajtur  TOI-1233, ylli më i ndritshëm i njohur dhe i ngjashëm në madhësi dhe temperaturë me Diellin tonë. Astronomët e rinj përdorën të dhëna nga Sateliti i NASA-s (TESS), një teleskop hapësinor që kërkon planetë . Ata gjithashtu përdorën të dhëna nga teleskopët me bazë tokësore. “Ne po shikonim për të parë ndryshime në dritë me kalimin e kohës,” tha Pigle. “Ideja është që nëse planeti kalon yllin, ose kalon para tij, do të mbulojë yllin dhe do të ulë shkëlqimin e tij. Unë isha shumë i ngazëllyer dhe shumë i tronditur,” tha Wright për zbulimin e tyre. “Ne e dinim që ky ishte qëllimi, por të gjeturit e një të vërtetë, një sistem multi-planetar dhe të qenurit pjesë e ekipit zbulues, ishte vërtet e mrekullueshme.”

Planetët kanë temperatura mesatare nga 700 gradë F (371 gradë celsius) deri në 1500 gradë F (815 gradë celsius ) dhe nuk ka gjasa të ketë jetë. Këto planetë janë nga i njëjti disk i materies, por kanë atmosferë dhe klimë të ndryshme për shkak të orbitave jo të njëjta.

Të dy studentët kanë filluar karrierën e tyre në astronomi. Wright sapo është pranuar në një program 5 vjeçar Master në Astrofizikës në Universitetin e Edinburgut, Skoci, ndërsa Pingle planifikon të studiojnë matematikë ose astrofizikë pas diplomimit.