Aksident në autostradën Laç-Mamurras/ Humb kontrollin e makinës dhe përplaset me disa mjete pranë karburantit, plagoset rëndë shoferi

Aktualitet | 3 muaj më parë

Një aksident i pazakontë ka ndodhur gjatë natës në aksin rrugor Laç-Mamurras, pranë një pike karburanti.

Një automjet ka humbur kontrollin dhe ka dalë nga rruga, duke u përplasur me disa mjete të parkuara pranë karburantit. Përplasja ka shkaktuar dëmtime të konsiderueshme si në automjetet e ndodhura në parkim, ashtu edhe në distributorët e karburantit.

Si pasojë e aksidentit, drejtuesi i automjetit ka mbetur i plagosur rëndë dhe është transportuar me urgjencë drejt Spitalit të Traumës për të marrë ndihmë mjekësore.

Në vendngjarje kanë mbërritur shërbimet e Policisë dhe grupi hetimor, të cilët kanë nisur hetimet për të përcaktuar shkaqet dhe rrethanat e plota të aksidentit.

aksident

Laç-Mamurras

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.