Aksident në Rrugën e Kombit, automjeti me targa të Kosovës përplaset me një kamion, 4 të plagosur

Aktualitet | 3 muaj më parë

Një aksident rrugor është regjistruar pasditen e sotme në Rrugën e Kombit, në segmentin Milot-Rrëshen, pranë Rubikut.

Sipas informacioneve paraprake, një automjet me targa të Kosovës është përplasur me një kamion, ndërsa përplasja ka qenë e fortë. Si pasojë, katër persona, të gjithë shtetas nga Kosova, që udhëtonin në automjet, kanë mbetur të plagosur.

Të lënduarit janë transportuar me urgjencë drejt spitalit për të marrë ndihmën e nevojshme mjekësore. Ende nuk ka informacion zyrtar mbi gjendjen e tyre shëndetësore.

Në vendngjarje kanë mbërritur shërbimet e Policisë dhe grupi hetimor, të cilët kanë nisur punën për përcaktimin e shkaqeve dhe rrethanave të aksidentit.

Për shkak të ndërhyrjes së ekipeve të emergjencës, qarkullimi në këtë segment të Rrugës së Kombit është shoqëruar për disa minuta me vështirësi.

aksident

Milot

rruga e kombit

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.