Aksident tragjik në Golem, motori përplaset me bordurën, humbin jetën dy persona

Aktualitet | 2 muaj më parë

Një aksident i rëndë rrugor ka ndodhur rreth orës 00:20 të 25 gushtit 2026, në rrugën dytësore në zonën e plazhit të Golemit.

Një motomjet me dy persona është përplasur me një bordurë. Si pasojë e aksidentit kanë humbur jetën drejtuesi i motomjetit, 44-vjeçari Elton Luzati, si dhe pasagjeri, identiteti i të cilit ende nuk është bërë i ditur.

Sipas të dhënave paraprake, dyshohet se motomjeti po lëvizte me shpejtësi të lartë dhe përplasja ka qenë fatale. Drejtuesi dyshohet se ka ndërruar jetë menjëherë në vendngjarje, ndërsa pasagjeri ka humbur jetën gjatë transportimit për në spital.

Në vendngjarje ndodhet grupi hetimor, i cili po punon për dokumentimin e plotë të aksidentit, përcaktimin e rrethanave dhe shkaqeve të përplasjes, si dhe për identifikimin e viktimës së dytë. Hetimet për ngjarjen vijojnë.

aksident

Golem

motor

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.