Një prej bibliotekave më të veçanta ku vizitorët mrekullohen sapo futen brenda, ndodhet në Dubai. Biblioteka Mohammed Bin Rashid u hap në qershor për të gjithë vizitorët vendas dhe të huaj.

Duke u bashkuar me panteonin e depove të librave klasik botëror, krahas librave si Biblioteka Britanike e Londrës dhe Bibliotheca Alexandrina e Egjiptit, biblioteka e re në Dubai ka kushtuar një miliard dirhemë, ose rreth 272 milionë dollarë. Biblioteka ka më shumë se 1.1 milionë libra të shtypur dhe dixhital të vendosur në objektin prej 54,000 metrash katrorë.

Në katin e parë ndodhet Biblioteka e Fëmijëve, e krijuar për 5 deri në 11 vjeç  Rreth 17,000 tituj mbushin raftet vetëm në këtë bibliotekë. Në katin e shtatë ndodhet seksioni Thesaret e Bibliotekës Mohammed Bin Rashid. Më shumë një muze sesa një bibliotekë, koleksioni përfshin dorëshkrime të rralla, mjete kaligrafie dhe botime të para të veprave të mëdha letrare, disa prej të cilave datojnë në shekullin e 13-të. Në seksionin e hartografisë është një hartë e Gadishullit Arabik nga viti 1662 nga hartuesi holandez Joan Blaeu, një nga të parët që tregon veçori gjeografike si malet, oazet, pemët dhe brigjet e perlave.

/rtsh.al/