Nata finale e Festivalit të Pranverës në Teatrin e Operas dhe Baletit u pasurua me një moment të veçantë, kur këngëtarja e mirënjohur Rovena Dilo u ngjit në skenë për të interpretuar këngën “Dashuria”.

Pak përpara performancës, Dilo ndau me publikun një detaj të veçantë, duke treguar se ishte veshur me të njëjtin fund që kishte përdorur në vitin 1993, kur këndoi për herë të parë këngën “Kurrë mos më lësho”.

“Sot Kam veshur fundin që e kam veshur për herë të parë, kam kënduar për herë të parë këngën ‘Kurrë mos më lësho’ në vitin 1993 dhe e kam risjellë meqë Festivali i Pranverës u rikthye, mendova ta nderoj me të njëjtin fund që kam kënduar ‘Kurrë mos më lësho’”, tha ajo.

Me zërin e saj karakteristik dhe energjinë që e shoqëron gjithmonë, Dilo solli një performancë të ngrohtë e plot emocion, duke i rikthyer publikut një nga hitet e saj më të dashura.