Flitet shqip në “The Voice Australia”, Rita Ora dhe konkurrentja nga Kosova përshëndeten në gjuhën amë

Lifestyle | 3 vite më parë

Gjuha shqipe ka rrëmbyer vëmendjen e audiencës në “The Voice Australia”, teksa këngëtarja e famshme me origjinë shqiptare Rita Ora, iu drejtua në gjuhën shqipe një konkurrenteje nga Kosova.

Sihana Haxhnikaj, lindur në Sydney të Australisë, por me origjinë nga Kosova, fillimisht mahniti Rita Orën me zërin e saj, teksa performoi hitin e yllit të pop-it Miley Cyrus “Nothing Breaks Like A Heart”.

E ndërsa 16-vjeçarja u prezantua pas këngës me emrin saj, kaq mjaftoi për Ritën që të kuptonte se ato kishin të njëjtën origjinë. Ajo nuk ngurroi ta përshëndeste atë dhe familjen e saj në shqip, teksa iu drejtua: “Zemër si je? Mirëmbrëma, si jeni?”

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.