Operatori i motorit të kërkimi duhet të ndalojë indeksimin dhe për rrjedhojë të mos shfaqë midis rezultateve të kërkimit, informacione që rezultojnë qartësisht të rreme ose të pasakta. Kjo është vendosur nga Gjykata e Drejtësisë së BE-së, sipas së cilës eliminimi duhet të bëhet nëse një aplikant tregon se informacioni që dëshiron të hiqet është i pasaktë, duke nënvizuar se prova nuk duhet domosdoshmërisht të rezultojë nga një vendim gjyqësor i marrë kundër botuesit të faqes ose faqes fyese.  

Mbrojtësit e fjalës së lirë dhe mbrojtësit e të drejtave të privatësisë janë përplasur vitet e fundit mbi “të drejtën për t’u harruar” në internet, e cila përfshin aftësinë për të hequr gjurmët dixhitale të dikujt nga interneti. Çështja përpara Gjykatës së Drejtësisë përfshinte dy drejtues të një grupi firmash investimi të cilët i kërkuan Google të hiqte rezultatet e kërkimit që lidhnin emrat e tyre me artikujt që kritikonin modelin e investimit të grupit si dhe fotot e tyre. Kompania Mountain View refuzoi kërkesat duke thënë se nuk e dinte nëse informacioni i përfshirë në artikuj ishte i saktë apo jo.

Njerëzit mund t’u kërkojnë motorëve të kërkimit si Google të heqin informacione të papërshtatshme ose të parëndësishme nga rezultatet e uebit që shfaqen nën kërkimet për emrat e tyre. Vendimi u pasua edhe nga rregullat e reja të privatësisë së BE-së që hynë në fuqi në vitin 2018, sipas të cilave e drejta për t’u harruar përjashtohet kur përpunimi i të dhënave personale është i nevojshëm për ushtrimin e së drejtës për informacion.

/rtsh.al/