Humbin jetën në të njëjtën ditë motra dhe mamaja e këngëtares Mariah Carey

Botë | 2 vite më parë

Nëna e këngëtares së njohur Maria Keri (Mariah Carey), Patricia dhe motra Alison, kanë ndërruar jetë në të njëjtën ditë.

Lajmin e njoftoi vetë këngëtarja e cila u shpreh zemërthyer për ngjarjen tragjike, ndërsa nuk dha detaje mbi shkaqet e vdekjes së tyre.

“Zemra ime është thyer që kam humbur nënën time fundjavën e kaluar. Mjerisht, në një kthesë tragjike të ngjarjeve, motra ime humbi jetën në të njëjtën ditë”, tha ajo.

Këngëtarja fituese e Grammy tha se ndihej e bekuar që kishte kaluar kohë me nënën e saj në javën para vdekjes së saj dhe kërkoi privatësi.

Marrëdhënie e këngëtares me mamanë dhe motrën e saj ka qenë e ndërlikuar.

Në kujtimet e Carey-t 2020, The Meaning of Mariah Carey, këngëtarja pesë herë fituese e çmimit Grammy detajoi marrëdhënien e saj të ndërlikuar me nënën e saj, duke thënë se ajo i kishte shkaktuar asaj “shumë dhimbje dhe konfuzion”.

Marrëdhënia e Kerit me motrën e saj më të madhe Alison, ishte gjithashtu komplekse.

Në kujtimet e saj, ajo shkroi se ishte larguar nga ajo dhe vëllai i saj Morgan, duke thënë se ishte “emocionalisht dhe fizikisht më e sigurt për mua të mos kisha asnjë kontakt”.

Alison e paditi Kerin për 1.2 milion dollarë (909,780 £) pas publikimit të kujtimeve për “shqetësim të madh emocional”, duke e quajtur atë “hakmarrëse”.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme