Në seancën plenare të Kuvendit të Kosovës, e para legjislaturës së 11-të, pritet miratimi miratojë një deklaratë lidhur me vendimin e Gjykatës Speciale të Kosovës në Hagë ndaj katër ish-krerëve të Ushtrisë Çlirimtare të Kosovës.

Javën e kaluar, PDK-ja i propozoi Kuvendit ndryshimet në projektligjin e atyre që zyrtarisht njihen si Dhomat e Specializuara të Kosovës, pas dënimit me gjithsej 81 vjet burgim për krime lufte ndaj Hashimit Thaçit, Jakup Krasniqit, Kadri Veselit dhe Rexhep Selimit.

Para seancës, kryetari i asaj partie  Bedri Hamza tha se  projektligji për Dhomat e Specializuara të Kosovës është domosdoshmëri për historinë dhe të ardhmen e vendit. I pyetur se çfarë diskutoi në takimin me kryeministrin Albin Kurti mbrëmjen e së dielës, Hamza deklaroi se folën rreth situatës politike dhe projektligjit, por edhe rreth çështjes së presidentit, ndërsa shprehu gatishmëri që, nëse kalon projektligji, PDK është e hapur të diskutojë rreth çështjes së presidentit, afati i te cilit perfundin me 6 tetor.

Deputeti i Aleancës, Ramush Haradinaj than se Kuvendi i Kosovës duhet t’i shfrytëzojë këto ditë për t’i dalë në mbështetje ish-krerëve të UÇK-së. Sipas tij, edhe nëse nuk ka dakordësi për presidentin dhe vendi duhet të shkojë në zgjedhje të reja, Kuvendi duhet që deri më 6 tetor t’i bashkohet zërit të qytetarëve se dënimi i Gjykatës Speciale ndaj 4 ish krerëve të UÇK-së nuk ishte në emrin e popullit të Kosovës, siç deklaroi gjyqtari Charles Smith.

/rtsh.al/