Mbytet varka në Lampedusa, shpëtohen shtatë emigrantë, zhduken 21 të tjerë

Botë | 2 vite më parë

Shtatë persona u shpëtuan ndërsa 21 të tjerë u zhdukën në det si pasojë e fundosjes së një anijeje me emigrantë pranë bregdetit të ishullit italian Lampedusas. Të shpëtuarit janë shtetas sirianë, të cilët u thanë ekipeve për shpëtim se tre fëmijë janë në mesin e personave të zhdukur, raportojnë mediat italiane.

Të shtatë të mbijetuarit u shpëtuan nga roja bregdetare dhe thanë se po udhëtonin me një varkë që ishte nisur nga Libia disa ditë më parë, me 28 persona në të cilët ishin familjarë të njëri tjetrit.

Mesdheu qendror është njëra prej rrugëve më vdekjeprurëse detare për emigrantët. Sipas agjencisë së OKB-së për emigrantët, IOM, më shumë se 2.500 emigrantë janë mbytur apo zhdukur në përpjekje për ta kaluar Mesdheun vitin e kaluar. Ndërsa, deri tani këtë vit janë mbytur apo zhdukur 1.047 të tjerë.

/RTSH/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme