Një moment emocionues ndodhi gjatë emisionit “Miqtë e Pasdites” në RTSH 1, ku aktori i njohur, Lulzim Zeqja, është surprizuar nga një video-mesazh prekës i dërguar nga bashkëshortja dhe fëmijët e tij.

Në mesazhin e tyre, gruaja dhe fëmijët e aktorit shprehën dashurinë dhe krenarinë për të, duke vlerësuar përkushtimin dhe rolin e tij si bashkëshort dhe baba.

Ai gjithashtu shtoi se ndonjëherë, për shkak të ritmit të shpejtë të jetës, mund të mos arrijmë të kuptojmë sa kohë i marrim familjes, duke kërkuar ndjesë për këto momente.

“Nuk e prisja dhe është goxha emocionuese. Artila është një njeri që më ka qëndruar shumë afër në momente të vështira të jetës sime shumë i emocionuar edhe mesazhi i fëmijëve. Jam shumë krenar që kam një familje të jashtëzakonshme dhe më mbështesin madje ndonjëherë i kërkoj ndjesë sepse nuk e kuptojmë, rendim në ritmin e kohës pa e kuptuar që mund të gabojmë duke i marrë kohën fëmijëve dhe familjes”, u shpreh aktori mes emocionesh.

Ky moment i sinqertë dhe i ndjerë ka sjellë edhe njëherë në vëmendje rëndësinë e dashurisë dhe mbështetjes familjare në jetën e çdo individi, pavarësisht suksesit apo profesionit që ushtron.

/rtsh.al/