Ngjarja ka ndodhur rreth orës 22:00 në bulevardin “18 Shtatori”, ku sipas informacioneve paraprake dyshohet se ka shpërthyer një automjet tip “Benz”, në pronësi të shtetasit B.D., teksa ishte duke lëvizur.

Si pasojë e shpërthimit janë dëmtuar shtetasit B.D. dhe R.M., të cilët janë transportuar në spital dhe ndodhen nën kujdesin e mjekëve.

Sipas dyshimeve paraprake, shpërthimi mund të ketë ndodhur në impiantin e gazit me të cilin ishte pajisur automjeti, çka dyshohet se ka shkaktuar humbjen e kontrollit të mjetit.

Megjithatë, shkaku i saktë i shpërthimit mbetet ende i paqartë dhe pritet të përcaktohet nga hetimet që po kryen policia.

Menjëherë pas marrjes së njoftimit, në vendngjarje kanë mbërritur shërbimet e emergjencës dhe efektivët e policisë, të cilët kanë kryer veprimet e para hetimore.

Grupi hetimor vijon punën për sqarimin e plotë të rrethanave të ngjarjes, si dhe për përcaktimin e shkakut të saktë të shpërthimit.

Gjirokastër/Informacion paraprak