Numër i lartë udhëtarësh në Morin, lëvizjet kryesisht të qytetarëve nga Kosova drejt bregdetit

Aktualitet | 1 vit më parë

Fundjava e fundit e muajit qershor është shoqëruar me një fluks të shtuar udhëtarësh dhe automjetesh në pikën kufitare të Morinit.

Shumica e kalimtarëve janë shtetas nga qytete të ndryshme të Kosovës, por edhe Zvicra, të cilët kanë si destinacion bregdetin shqiptar.

Për shkak të numrit të lartë të automjeteve, në pikën kufitare janë vënë në funksion të gjitha sportelet me qëllim shmangien e radhëve të gjata. Po ashtu, po aplikohet procedura e përshpejtuar e kalimit për automjetet me targa të Shqipërisë dhe Kosovës.

Gjatë 24 orëve të fundit nga kjo pikë kufitare kanë hyrë dhe dalë mbi 22 mijë persona dhe 9 mijë automjete.

/rtsh.al/

morin

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.