Policia rrugore shton kontrollet në Tiranë, në vëzhgim dhe këmbësorët, 78 gjoba brenda 24 orësh

Aktualitet | 1 orë më parë

Jo vetëm automjetet dhe drejtuesit e tyre janë në sitën e rrugorëve. Policia Rrugore e Tiranës ka vendosur 78 masa administrative ndaj këmbësorëve që kanë shkelur rregullat e qarkullimit rrugor gjatë 24 orëve të fundit.

Kontrollet janë përqendruar në evidentimin dhe ndëshkimin e shkeljeve nga këmbësorët, me synim rritjen e sigurisë në rrugë dhe parandalimin e aksidenteve.

Policia u bën apel qytetarëve të tregojnë kujdes dhe përgjegjshmëri gjatë lëvizjes, të respektojnë sinjalistikën rrugore, të përdorin vendkalimet e përcaktuara dhe të shmangin kalimin e rrugës në vende të palejuara.

Shërbimet e Policisë Rrugore bëjnë me dije se kontrollet do të vijojnë për të rritur sigurinë dhe për të mbrojtur jetën e të gjithë përdoruesve të rrugës.

gjoba

kembesoret

policia rrugore

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.