Shiroka po frekuentohet edhe gjatë stinës së dimrit. Këtë zonë vazhdojnë ta vizitojnë shumë turistë, madje edhe nga Australia dhe Amerika e largët, të cilët shprehen të mahnitur nga ajo çfarë kanë gjetur në këtë vend.

“Po vij nga SHBA, ka disa orë që kam mbërritur në Shqipëri dhe erdha direkt në Shkodër. Më pëlqen ky vend, lumi, liqeni, malet i keni shumë të bukura. Natyrë e mirë në Shkodër, si herë e parë po më pëlqen çdo gjë, do të vizitoj edhe vendet e tjera”, shprehet turisti.

“Kam ardhur nga Australia, është për mua hera e parë që e vizitoj Shqipërinë’. Mendoj se tregjet janë shumë interesante, të gjithë janë shumë miqësorë, dhe do të shkojmë të shohim disa vende të të tjera pasi të vizitojmë liqenin dhe Shirokën”, shprehet turisti.

Ndërkohë, edhe qytetarët shkodranë e zgjedhin Shirokën për shëtitje dhe për të kaluar kohë pranë liqenit.

E vendosur buzë liqenit të Shkodrës dhe në rrëzë të malit Tarabosh, Shiroka ofron një peizazh mahnitës që tërheq turistë vendas dhe të huaj.

Gazetar: M. Rakaj

/rtsh.al/