Statujë 6 metra prej ari për qenin vendas

Kuriozitete | 6 vite më parë

Ndodh edhe kështu. Në një kohë kur shumë vende janë duke hasur vështirësi për të përballuar pandeminë, presidenti i Turkmenistanit ka vendosur t’i kushtojë një statujë gjigante prej ari qenit të tij të preferuar.

Gurbanguly Berdymukhamedov prezantoi statujën 6 metra të lartë të qenit Alabay, në qendër të kryeqytetit Ashgabat.

Alabay është një racë qeni vendase, varietet i qenit të stanit të Azisë Qendrore, i cili konsiderohet një trashëgimi kombëtare. Kjo nuk është hera e parë që presidenti i vendit i përkushtohet këtij qeni, një vit më parë ai shkroi për të dhe një libër.

Pavarësisht madhështisë së statujës, pjesa më e madhe e popullsisë së Turkmenistanit vuan nga varfëria.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.