Presidenti i Shteteve të Bashkuara, Donald Trump, ka deklaruar se Uashingtoni zyrtar do të marrë shumë shpejt një vendim përfundimtar lidhur me Iranin.

Gjatë një prononcimi për gazetarët në oborrin e Shtëpisë së Bardhë, përpara nisjes së tij nga Kopshti Jugor, kreu i Shtëpisë së Bardhë përdori tone të ashpra ndaj Teheranit, duke e cilësuar atë si një “shtet të dështuar”.

“Ata nuk kanë ekonomi. Inflacioni atje ka arritur në 300%. Nuk kanë para, nuk po paguajnë ushtarët e tyre dhe nuk po paguajnë asnjë njeri,” u shpreh Trump.

Deklarata e presidentit amerikan vjen në një kohë kur po qarkullojnë raportime intensive për diskutime diplomatike dhe ushtarake lidhur me mundësinë e rifillimit të luftimeve.

Kjo situatë përkon me afatet kryesore politike, zgjedhjet në Izrael më 27 tetor dhe zgjedhjet e mesmandatit në Shtetet e Bashkuara më 3 nëntor.

Javën e kaluar, vetë presidenti deklaroi se SHBA-ja nuk do të ndërmerrte sulme ndaj Iranit përpara zhvillimit të zgjedhjeve të mesmandatit në SHBA.

/rtsh.al/