Tensioni i lartë i gjakut i pakontrolluar mund të çojë në rreziqe serioze shëndetësore si goditje në tru, atak në zemër dhe madje edhe vdekje.

Megjithatë, mund të shëndetin në kontroll përmes dietës suaj. Nga frutat te perimet e më tej, ja një listë me ushqime që mund t’i përfshini në dietën tuaj për të ndihmuar në uljen e presionit të gjakut dhe për ta mbajtur zemrën të lumtur.

Agrume- Agrumet janë të mbushura me vitamina, minerale dhe përbërës bimorë që e mbajnë zemrën të shëndetshme duke ulur tensionin e lartë të gjakut. Megjithatë, disa fruta agrume mund të ndërhyjnë në ilaçet për uljen e tensionit të gjakut nëse i shtoni në dietën tuaj.

Salmon dhe peshq të tjerë yndyrorë- Peshqit e yndyrshëm si salmoni janë burime të shkëlqyera të yndyrnave omega-3, të cilat mund të ndihmojnë në uljen e niveleve të presionit të gjakut duke ulur inflamacionin. Sipas një studimi, duhet të konsumoni dy deri në tre gramë yndyrna Omega-3 në ditë për të parë përfitimet.

Zarzavate me gjethe- Perimet me gjethe jeshile si spinaqi përmbajnë kalium dhe magnez, të cilat mbështesin nivelet optimale të presionit të gjakut. Spinaqi, në veçanti, është i pasur me përbërësin me bazë bimore të njohur si nitrat, i cili mund të ulë presionin e gjakut.

Arra dhe fara- Arrat dhe farat si farat e kungullit, farat e chia-s, fistikët dhe bajamet ofrojnë burime të koncentruara të fibrave të cilat janë të rëndësishme për kontrollin e presionit të gjakut.

Vaj ulliri- Vaji i ullirit mund të ndihmojë në uljen e tensionit të gjakut dhe në uljen e faktorëve të rrezikut për sëmundjet e zemrës. Vaji i ullirit është i pasur me omega-9 dhe polifenole antioksiduese që mund të jenë të dobishme në një dietë që synon uljen e tensionit të gjakut.

Vezë- Vezët janë ushqime të pasura me lëndë ushqyese që mund të ndihmojnë në menaxhimin e tensionit të gjakut. Sipas studimeve, konsumi i vezëve ndikon për të reduktuar të hipertensionit. Konsumi i rekomanduar i vezëve është deri në tre në ditë.

Hudhër- Hudhra, në format e saj të ndryshme, e papërpunuar, e pluhurosur, ndihmon në uljen e tensionit të gjakut.

/rtsh.al/