Toka është kapluar nga temperaturat ekstreme këto kohë. Nga SHBA dhe Kanadaja në Evropë, njerëzit po përpiqen të kalojnë temperaturat e larta të këtyre ditëve.  

Temperaturat rekord mund të shkaktojnë shqetësime shëndetësore dhe jo vetëm.  Por çfarë ndodh në të vërtetë me trupin e një personi nën nxehtësinë e madhe?  

Çfarë ndodh me trupin kur është shumë nxehtë? – Njerezit kanë mekanizma termorregullimi, një prej tyre është procesi i djersitjes. Por ka disa mënyra të tjera që trupi ynë përpiqet të na mbajë në një temperaturë të shëndetshme. Gjëja e parë që ndodh kur është shumë nxehtë është se truri juaj fillon të dërgojë mesazhe në gjëndrat tuaja të djersës për të rritur prodhimin e saj.

Organet –Duke pompuar më shumë gjak në lëkurë, organet si veshkat, mëlçia dhe zorrët do të kenë më pak furnizim me gjak. Ndikimi i gjakut të pasur me oksigjen që devijohet nga organet vitale në lëkurë mund të çojë në dështim të organeve pasi ato do të kenë hipoksi (nivele të ulëta të oksigjenit). Kur keni goditje të nxehtësisë, trupi nxehet aq shumë sa fillon të denatyrojë proteinat kështu që nuk mund të rregullojë temperaturën e trupit dhe për këtë arsye organet kryesore mund të dështojnë.  

Rreziku i sulmit në zemër – Ju keni më shumë gjasa të keni një atak në zemër pasi sistemi juaj kardiovaskular duhet të përpiqet më shumë për të transmetuar gjak në indet tuaja sesa kur është i freskët.

Shqetësimet shëndetësore të nxehtësisë – Nxehtësia e tepërt mund të çojë në faza të ndryshme të shqetësimeve të nxehtësisë si djegie nga dielli, të fikët, rraskapitje dhe goditje nga nxehtësia. Ndërsa nxehtësia ekstreme me siguri mund të vrasë këdo, besohet se foshnjat dhe ata mbi 65 vjeç janë në rrezik më të madh.

Dehidratim –Dehidrimi është gjithashtu një shkak mjaft i zakonshëm i vdekjes kur bëhet fjalë për hiperterminë. Ne rastin e djersitjes se tepërt gjaku trashet duke rritur kështu rrezikun e mpiksjes.

/rtsh.al/