Zjarri përfshin fasadën e godinës së postës në Pazarin e Gjirokastrës, forcat zjarrfikëse shmangin përhapjen e flakëve

Aktualitet | 3 muaj më parë

Një zjarr ka rënë paraditen e sotme në fasadën e godinës së Postës Shqiptare, në Pazarin e Gjirokastrës, pranë tabelave të reklamave.

Sipas njoftimit të Drejtorisë së MZSH-së Gjirokastër, rreth orës 09:45, Salla Operative e Policisë së Shtetit informoi shërbimin zjarrfikës për incidentin, ndërsa flakët rrezikonin të përhapeshin në godinën e Postës Shqiptare dhe në banesat që ndodhen në të njëjtin objekt.

Menjëherë pas njoftimit, forcat e MZSH-së u nisën drejt vendngjarjes dhe ndërhynë në kohë, duke izoluar dhe shuar plotësisht zjarrin.

Falë ndërhyrjes së shpejtë të zjarrfikësve, flakët u vunë nën kontroll dhe u eliminuan pa shkaktuar dëme të tjera materiale apo pasoja.

gjirokaster

zjarr

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.