Ueb sajti i njohur Time Out ka përpiluar përmbledhjen e fundit të qyteteve më të mira në botë. Kjo listë është bërë duke përfshirë ushqimet e qyteteve, arkitekturën dhe ngjarjet kulturore.

Reputacioni global i Nju Jorkut u rendit si vendi ku banorët e tjerë të qyteteve botërore do të donin më shumë të zhvendoseshin. Në vendin e dytë në listën e Time Out është Keip Taun, Afrika e Jugut.

Në pesëshen më të mirë të Time Out janë renditur Berlini, Gjermani (i vlerësuar nga Time Out për jetën e natës plot gjallëri), Londra, MB (e lavdëruar për pijet e saj legjendare dhe muzetë dhe galeritë falas) dhe Madridi, Spanjë (ngrënia dhe pijet “e jashtëzakonshme”).

Qytetet më të vogla në top 10 përfshijnë Liverpool, MB  dhe Porto, Portugali. Veçanërisht Porto u emërua nga të anketuarit si një qytet i shkëlqyeshëm për “romancë”.

Top 10 qytetet më të mira të Time Out

Nju Jork, SHBA

Keip Taun, Afrika e Jugut

Berlin, Gjermani

Londër, MB

Madrid, Spanjë

Meksiko Siti, Meksikë

Liverpool, MB

Tokio, Japoni

Romë, Itali

Porto, Portugali