Një specie tarantula blu elektrike “magjepsëse” është zbuluar në Tajlandë. Një grup studiuesish tajlandez e gjetën merimangën gjatë një ekspedite në provincën Fang-Nga në Tajlandën jugore për të hulumtuar diversitetin dhe shpërndarjen e tarantulave në vend.

Sepecia e re tarantula shfaq një nuancë magjepsëse blu-vjollce, që të kujton shkëndijat blu elektrike.

“Bluja është një nga ngjyrat më të rralla që shfaqet në natyrë, gjë që e bën ngjyrën blu te kafshët veçanërisht magjepsëse,” tha studiuesja Narin Chomphuphuang.

Studiuesit thanë se kjo ngjyrë vjen nga rregullimi i “nanostrukturave fotonike biologjike, në vend të pigmenteve”.

Kjo do të thotë se ngjyrosja blu elektrike nuk vjen nga prania e pigmentimit blu, por më tepër nga struktura unike e qimeve të tyre, e cila përfshin nanostruktura që manipulojnë dritën për të krijuar këtë pamje të mrekullueshme blu./ CNN

/rtsh.al/