Lind gjirafa më e “rrallë” në botë në kopshtin zoologjik të Tenesit

Kuriozitete | 3 vite më parë

Një gjirafë në kopshtin zoologjik të Tenesit, SHBA po bëhet virale pasi ka lindur pa njolla në mantelin e saj.

Punonjësit e kopshtit zoologjik në Brights Zoo e kanë quajtur gjirafën si “më e rralla në botë” e specieve dhe besojnë se ajo është e vetmja gjirafë ( Girafa reticulata) me një mantel të tillë në botë.

Pavarësisht se është vetëm disa javësh, gjitari ka një lartësi mbresëlënëse 1.8 metra.

I vetmi shembull tjetër i njohur i një gjirafe pa njolla me rrjetë daton në vitet 1970, kur një ekzemplar i quajtur Toshiko lindi pa njolla në një kopsht zoologjik në Japoni.

Njollat e gjirafës janë thelbësore për mbijetesën e kafshës, veçanërisht në gjirafat që jetojnë në vende të egra, ku njollat me ngjyra maskojnë kafshët nga grabitqarët./NationalGeographic/

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.