Një sipërfaqe e madhe e oqeanit e caktuar për minierat e thella në ujë është vendi e mijëra krijesave të çuditshme detare ku shumica e tyre janë të panjohura për shkencën.

Shkencëtarët kanë bërë grumbullimin e parë të plotë të specieve për të ndihmuar në peshimin e rreziqeve për biodiversitetin.

Ata thonë se më shumë se 5000 kafshë të ndryshme janë gjetur në Zonën Clarion Clipperton të Oqeanit Paqësor.

Zona është një vend kryesor për nxjerrjen e metaleve të çmuara nga shtrati i oqeanit.

“Vendi është një mjedis jashtëzakonisht i çuditshëm me shumë krijesa nga speciet e çuditshme me vela të përpunuara në shpinë e deri te sfungjerët e bukur prej qelqi” tha Muriel Rabone nga Muzeu i Historisë Natyrore në Londër.

Studiuesit analizuan qindra punime shkencore dhe mijëra të dhëna për të përpiluar një inventar të formave të jetës në zonë.

Nga mijëra kafshë të botës ujore të regjistruara, vetëm 400 janë të njohura për shkencën.

Kafshët kanë evoluar të izoluara gjatë miliona viteve në kushtet e ftohta dhe të errëta të dyshemesë së oqeanit.

Hulumtimi është publikuar në revistën Current Biology. Të dhënat mbi jetën në oqean janë mbledhur përmes një sërë ekspeditash shkencore ku pajisjet ulen në fundin e oqeanit për të mbledhur ekzemplarë dhe imazhe./BBC

/rtsh.al/