Shqip
English
Français
Deutsch
Ελληνικά
Italiano
Srpski
TürkçeKalaja e Gjirokastrës, “kampione” e monumenteve me mbi 53 mijë vizitorë në 5-mujorin e parë
Kalaja e Gjirokastrës ka shënuar një numër rekord vizitorësh në pesëmujorin e parë të këtij viti, duke mirëpritur mbi 53,455 turistë. Këtë e bëri të ditur Ministrja e Turizmit dhe Mjedisit, Mirela Kumbaro, e cila e cilësoi atë si “kampione të monumenteve të kulturës” në Shqipëri.
Përmes një postimi në rrjetet sociale, ku ndau edhe pamje nga kalaja, Kumbaro shkroi: “Pik’ e floririt mbi malin e gjerë Kalaja e Gjirokastrës, kampionia e monumenteve të kulturës për nga numri i vizitorëve, ka mirëpritur 53.455 vizitorë në 5 muajt e parë të vitit – një thesar jo vetëm i historisë dhe kulturës, por edhe i zhvillimit të qëndrueshëm të turizmit.”
Kjo shifër tregon rritjen e vazhdueshme të interesit për trashëgiminë kulturore të Shqipërisë dhe potencialin e saj për të nxitur zhvillimin turistik.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Më të lexuarat
