Nuk ka asgjë më të mirë se të nisesh në rrugë dhe të ngasësh makinën në kërkim të disa vendeve të veçanta, dhe Evropa është vendi ideal për një udhëtim me makinë.

Një kontinent që ofron një gamë të gjerë qytetesh, atraksionesh dhe mrekullish natyrore, disa nga peizazhet e tij më të bukura nuk shihen lehtësisht nëse thjesht fluturoni për në qytetet më të mëdha. Por ja cilat janë disa nga pikat kryesore të Evropës shihen më së miri duke ndarë kohë për të kaluar nëpër to me rrota.

Grossglockner, Austri – Një nga shtigjet më ikonike të Austrisë, kjo rrugë ofron pamje mahnitëse të majës më të lartë të vendit, Grossglockner. Gjithashtu ju çon nëpër zemër të Parkut Kombëtar Hohe Tauern.

Liqenet Veriore, Itali – Liqenet madhështore në veri të Italisë kanë qenë prej kohësh të njohura. Nga Liqeni Maggiore në Liqenin Garda dhe Liqenin e Komos, këto janë vetëm disa nga liqenet madhështore të rajonit.

Rruga Atlantike, Norvegji – Rruga Atlantike e Norvegjisë shtrihet rreth bregdetit perëndimor të vendit. Rruga është përshkruar si udhëtimi më i bukur me makinë në botë.

Postojna, Lubjanë, Slloveni – Nga mrekullitë nëntokësore në Postojna deri te një nga qytetet më tërheqëse të Evropës, Lubjana, ky itinerar ju çon nëpër disa nga peizazhet më mahnitëse dhe të larmishme të Sllovenisë.

Bregu Dalmat, Kroaci – I njohur për ujërat e tij kristaline dhe qytetet historike, ky udhëtim me makinë ju çon në Dubrovnik, Split, Parkun Kombëtar Krka, Zadar dhe Parkun Kombëtar të Liqeneve të Plitvicës.

Riviera Franceze dhe Italiane – Nisuni në udhëtimin më të mirë me makinë në Rivierën Franceze dhe Italiane, ndërsa udhëtoni nëpër destinacionet më joshëse të rajonit. Përjetoni sharmin ikonik të Kanës, elegancën e Monakos dhe bukurinë e Portofinos.

Austria, Gjermania dhe Zvicra – Duke filluar nga Vjena, ky udhëtim me makinë ju çon drejt Gjermanisë dhe Zvicrës me disa nga qytetet më piktoreske në kontinent, duke përfshirë Salzburgun, Mynihun, Zyrihun, Bernën dhe Gjenevën.

Nga Amsterdami në Giethoorn, Holandë – Duke u nisur nga Amsterdami, do të udhëtoni në veri drejt fshatit piktoresk të Giethoorn. Ndërsa udhëtimi zgjat vetëm rreth një orë, bëni disa ndalesa gjatë rrugës për të shijuar plotësisht pasurinë kulturore të qyteteve holandeze dhe bukurinë e qetë të peizazheve të saj rurale.

/rtsh.al/