Leskoviku po tërheq gjithnjë e më shumë turistë francezë, të cilët zgjedhin këtë qytet për natyrën e qetë, ajrin e pastër dhe ushqimin tradicional që ofrohet në restorantet dhe bujtinat e zonës.

Banorët mikpritës dhe ritmi i qetë i jetës e bëjnë këtë vend një ndalesë të veçantë për ata që duan të largohen nga zhurma e qyteteve të mëdha.

Operatorët turistikë që shoqërojnë grupet e huaja shprehen se shtatori është muaji më i preferuar për francezët për të vizituar Shqipërinë.

“Për turistët francez ky është udhëtimi i shekullit, mezi presin të vijnë dhe kur ikin janë shumë të kënaqur”, u shpreh një operatore turistike.

Njëri nga turistët francez rrëfeu se, edhe pse kishte dëgjuar më parë gjëra të ndryshme për shqiptarët, këtu ka gjetur një përvojë krejt tjetër.

“Ndihem shumë mirë këtu dhe Shqipëria po më pëlqen shumë”, tha turisti.

Leskoviku po bëhet gjithnjë e më shumë pjesë e itinerarit të udhëtimeve në Shqipëri, duke treguar se vendet e vogla, me vlera të mëdha, kanë çfarë t’u ofrojnë vizitorëve që kërkojnë përvoja autentike dhe të qeta.

Gazetare: Xhensila Lazi

/rtsh.al/