Në Universitetin “Aleksandër Xhuvani” të Elbasanit është hapur zyrtarisht viti i ri akademik  2025–2026, me rreth 1000 studentë të rinj. Përveç të rinjve që nisin rrugëtimin universitar, vëmendjen e tërheqin burra e gra në moshë që po përjetojnë një ëndërr të parealizuar më parë, vazhdimin e studimeve.

Mes tyre është Liljana Dedja, e cila ndan emocionin e veçantë të të studiuarit bashkë me vajzën e saj, që ndjek vitin e dytë në të njëjtin universitet.

“Jam 52 vjeç dhe studioj në degën operator turistik në gjuhën gjermane. Më pëlqen turizmi dhe prandaj preferova këtë degë. E kisha ëndërr që të vazhdoja shkollën”, u shpreh studentja Dedja.

Numri me i larte i studenteve ne Elbasan eshte ai  për programet e Shkencave Mjekësore Teknike, me rreth 700 studentë të regjistruar, ndjekur nga Financa, Teknologjia e Informacionit dhe programet e mësuesisë, që këtë vit shënojnë një orientim të ri drejt shkencave ekzakte.

Gazetar: M. Marashi

/rtsh.al/