Rama i bashkohet fushatës vullnetare të dhurimit të gjakut

Aktualitet | 2 orë më parë

Tradita e dhurimit vullnetar të gjakut vijoi edhe këtë vit në ambientet e Kryeministrisë, në kuadër të nismës për sensibilizimin mbi rëndësinë e këtij akti human.

Kryeministri Edi Rama ka ndarë pamje nga nisma, duke theksuar përmes një postimi në rrjetet sociale përfshirjen e Kryeministrisë në këtë aktivitet të përvitshëm.

“Kryeministria si çdo vit për nismën e dhurimit të gjakut”, shkruan Rama.

Nisma ka synuar të sensibilizojë këdo për rëndësinë e dhurimit vullnetar të gjakut dhe kontributin që ky akt mund të japë për pacientët që kanë nevojë për transfuzione.

Kreu i qeverisë ka bërë apel për një pjesëmarrje sa më të gjerë të qytetarëve në dhurimin e gjakut, duke e cilësuar atë një akt human dhe solidariteti.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.